Lumilipat galing Web papuntang Print.
Tinanong ako ng Nanay ko nung isang araw “Di ka ba nagsisisi sa pag-alis mo sa dati mong trabaho?”. Di ko alam kung san nagmula yung tanong na yun. Dahil ba hindi ako kumikita ng kasing laki ng kita ko dati?
Ang desisyon ko sa pag alis sa trabaho ay totoong di biro. Malaking sugal ito para sa akin dahil nakataya ang aking seguridad at kabuhayan dito. Madaming tao ang naghahanap ng trabaho ngayon at di makakita, tas ako ay aalis sa trabaho.
Sana maintindihan ng tao na kung di ko ginawa ito ay baka pagsisihan ko pa at lagi kong isipin ang “Ano kaya kung ginawa ko na ito noon?”. Na gusto mo gawin ang mga bagay na nasisip mo ay di mo pa nagawa, mga bagay na gusto mo subukan. “Kailan pa?”, maghihintay ka pa ba ng panahon o magdadahilan na hindi mo nagagawa ang mga bagay na gusto gawin?
Mga isang buwan na kong wala sa trabaho. At masasabi kong di ako nagsisisi sa ginawa ko. At isang sasabihin ko ay di ako magsisisi dahil naibigay ko ang aking kaya. natutuwa naman ako dahil madaming mga opportunidad din naman ang dumating. Sa ngayon di naman malaki ang kinikita ko pero paunti unti ay nagagawa ko ang mga bagay na ngayon ko lng masusubukan gawin. Hindi ba’t ang tao ay apat tuloy tuloy na nag-aaral?
Sa ngayon ako ay natutuwa. Dahil madami ring mga pumapasok na mga trabaho o opportunidad na pwede kong kunin kahit di ako naghahanap. At nagpapasalamat naman ako sa Diyos ng ganyan dahil parang senyales na sa akin yun.
Ferdz Decena is an award-winning travel photographer, writer and blogger. His works has found print in publications such as Singapore Airlines’s Silver Kris, Philippine Airlines’ Mabuhay, Cebu Pacific’s Smile and Seair InFlight. He has also lent his expertise to various organizations like the Oceana Philippines, Lopez Group Foundation, Save the Children and World Vision, contributing quality images for their marketing materials.
